Tuesday, November 26, 2019

لقد كان يقطن فى ذا الحى

لقد كان يقطن فى ذا الحى
طفلا برئ الفؤاد
كان من كل الأشياء مندهشا
كان يرى السحاب وسادة
والقمر صديقا مبتسما
كان يحكى لليل طرائفه
وكان للنهار صديقا منسجما
كان ضحك الطفل على الطرقات
منتثرا 
وجاء الشتاء
شب الطفل وشاب وشاخ
وأضحى من شدة الهم منحلا
وترقرق القلب منكسرا
وأضحى من فرط
طعن الحراب
منهزما

Sunday, November 3, 2019

مابقتش تفرق

أنا مابقيتش عارف أفرح 
ولا عارف أحزن
أنا مابقيتش عارف عيشى
ولا موتى هيبقى أحسن
ومابقتش تفرق
لا نكتة حلوة
ولا ضحكة عالية
ولا حتى غنوة
مابقتش تفرق

مابقتش تفرق
الناس تبقى أصدق
و الحلم فى يوم يتحقق
مابقتش تفرق

مابقتش تفرق
لون خضار الشجر
ولا لون السما الأزرق
مابقتش تفرق

مابقتش تفرق
أنى للشط أوصل
وأن مركبى فى البحر يغرق
مابقتش تفرق

أنا مابقيتش عارف أفرح 
ولا عارف أحزن
أنا مابقيتش عارف عيشى
ولا موتى هيبقى أحسن
ومابقتش تفرق
لا نكتة حلوة
ولا ضحكة عالية
ولا حتى غنوة
مابقتش تفرق

رابع المستحيلات

من رابع المستحيلات 
أنى أفرح وأعيش
وأنام عادى 
والصبح الحزن 
مايعديش
تصدق
أنا ماليش حلم وأتحقق
أنا ماليش حبيب
إلا وإتفرق
أنا عمرى ما آمنت
بشئ إسمه الحظ
لكن مين فينا 
هيكون أصدق
أنا مابرميش
ظروفى شماعة
ولا بحاسب وقت
ع الساعة
أنا كان خاطرى 
بس أرتاح
مش تيجى رياح
تهدم إلى بنيته
وتشيل المزروع
من غيطه
وأبدء من أول وجديد
أنا قلبى نبض ودم
مش أسلاك وحديد
ومن حقى ساعات
أزعل
وساعات أغضب
وساعات أمل
ع الفاضى 
من حقى
أتذكر الماضى
وأتوه فى التفاصيل
ومن حقى
حتى لو ما أتحققش
أحلم بالمستحيل