Saturday, November 20, 2010

فى عشق نجمة

أنا كنت ماشى فى الطريق
قابلتنى نجمة
عالية حبتين مش قوى يعنى
قول كدة علو نخلة
وقفت مكانى قدامها أنا
و قلتلها تعاليلى
جت طرحت عليا الهنا
و نورت ليلى
قلتلها بيقولوا من مكان ما كنتى
القبل تلاتة
قالتلى متل ما بدك
لقيت شفايفها تجرح و تشفى
و راحت قالتها
أنا زيك بحبك
بصيتلها أنا كتير
و تهت فى عيونها
سألتنى و هى بتضحك على إيه بتطلع
قلتلها و بدون تفكير
أنى أنا مجنونها
و لو حتى منها أنا قلبى إتوجع
و عرفت يعنى إيه
إن الغربة مش عنوان
إن الغربة مش غربة مكان
إن بلدك كلها ممكن تكون إنسان
هو شمسك و نورك
و إرضك الخضرة
هو نجمة جات تزورك
و ماكانتش كدة شاردة

No comments:

Post a Comment